Azərbaycan, Bakı, 1 iyul /Trend/
"Elektron məktəb" layihəsi çərçivəsində videozəng funksiyası tətbiq edilir ki, bu da məktəblərə kommunikasiyanı daha effektli təşkil etməyə imkan verəcək. Bu barədə Azərbaycan Təhsil Şəbəkəsinin (AzEduNet) cümə axşamı yayılan məlumatında deyilir.
"Elektron məktəb" layihəsi Bakı və Sumqayıtın, eləcə də ölkənin digər şəhərlərinin 30-dan çox məktəbində 2008-2012-ci illərdə təhsil sisteminin informasiyalaşdırılması üzrə Dövlət Proqramı çərçivəsində həyata keçirilir. Bu layihə çərçivəsində AzEduNet qabaqcıl Cisco texnologiyasını tətbiq edir. Məktəb şəbəkəyə rabitə vasitəsilə qoşulacaq. Məktəblərdə Cisco avadanlığı və videozəngli IP-telefoniya sistemi quraşdırılır.
Öncədən şəxsi kommunikasiya üçün nəzərdə tutulan videozəng funksiyasını müəlimlərin çoxu məktəblər arasında videkonfransların təşkili məqsədilə istifadə edirlər. Odur ki, AzEduNet cari ildə videotexnologiyaların pilot tətbiqini planlaşdırır ki, bu da təhsil prosesində geniş keyfiyyətli videonun (SD/HD/FullHD) qəbul edilməsinə şərait yaradacaq. AzEduNet şəbəkəsi vasitəsilə videkonfrans, interaktiv videokommunikasiya və digər tədbirlərin keçirilməsi mümkün olacaq.
