Azərbaycan, Bakı, 16 iyul /Trend, müxbir H.Vəliyev/
Azərbaycanın simsiz rabitə operatoru Bakcell manat tarifinə keçmək əsasında billinq sisteminin tətbiqi imkanlarını nəzərdən keçirir. Bu barədə cümə günü şirkətin baş direktoru İnekke Botter deyib.
Botterin sözlərinə görə, billinq sisteminin manat hesablamasına keçirilməsi çox zəhmət tələb edən bir prosesdir. Bununla əlaqədar tarif təyinetmənin bu növünə keçidin dəqiq tarixi barədə danışmaq hələ ki mümkün deyil.
Simsiz rabitə operatorlarının abonentləri konturları təkcə danışıq üçün deyil, həm də multimedia kontentinin alınması üçün istifadə edirlər. Bəzi ölkələrdə isə bundan ictimai nəqliyyatda gediş üçün də istifadə olunur. Danışıq vaxtı ödəniş vasitəsinə çevrilir, kontur sisteminin olması isə mikroödənişlər həyata keçirilərkən problemlər yaradır, belə ki, abonentin bu və ya digər kontentə və ya xidmətə xərclədiyi məbləğdən təsəvvürü olmur.
Hazırda Rabitə və İnformasiya Texnologiyaları Nazirliyi Azərbaycanın mobil rabitə operatorlarına billinq sistemlərinin manat tarifinə keçirilməsi ilə bağlı göstəriş verib. Bu istiqamətdə müvafiq işlərin görülməsi üçün nazirlik və operator nümayəndələrinin qarşılıqlı əlaqəsinin olması barədə qərar qəbul edilib.
Əvvəllər rabitə nazirinin müavini İltimas Məmmədovun dediyi kimi, operatorların kontur tarifindən billinq sistemlərinə keçidi texniki hazırlıq və eyni zamanda abonentlərlə imzalanan müqavilələrdə bəzi dəyişikliklər edilməsini tələb edir.
Azərbaycanda GSM standartında üç mobil rabitə operatoru - Bakcell, Azercell və Azerfon fəaliyyət göstərir. Billinq sisteminin pul vahidlərinə keçirən yeganə operator "Azerfon" MMC-dir. Bakcell və Azercell operatorları abonentlər üçün pre-paid kontur sistemini tətbiq edirlər.