Azərbaycan, Bakı, 29 iyul /Trend, müxbir H.Vəliyev/
Azərbaycan iqtisadiyyatının dinamik inkişafı elektron xidmətlərin tətbiqinə ölkənin tələbatının artmasında və "elektron hökumət"in yaradılması layihəsinin reallaşdırılmasında mühüm rol oynayır. İT-Sənayesinin İnkişafı Milli Agentliyinin (National IT Industry Promotion Agency, NIPA) məsləhətçisi Von Cae Li bildirib.
Linin sözlərinə görə, Koreya tərəfi Azərbaycana "elektron hökumət"in yaradılması üçün ən optimal həll təklif edir."Biz Azərbaycana mikroödənişlərin həyata keçirilməsi həlli, müştəri həlləri, miqrasiya xidmətləri və s. üçün həll təklif etməyə hazırıq. Lakin elektron xidmətlər sahəsində uğurlu əməkdaşlıq və ümumilikdə "elektron hökumət"in qurulması üçün, ilk növbədə, hökumət tərəfindən tələbat, ikincisi, onları tətbiq və inkişaf etdirmək üçün səmərəli əməkdaşlıq lazımdır", - Li bildirib.
NIPA məsləhətçisinin sözlərinə görə, bu gün Koreya informasiya texnologiyaları və elektron xidmətlərə tələbat sahəsində qabaqcıl ölkələrdən biridir. Lakin bu göstəriciləri əldə etmək üçün ölkə dəfələrlə çətinliklərlə üzləşib. Bu, ilk növbədə, innovasiya həllərinin tətbiqi planında dövlət idarələrinin ehtiyatlanması, eləcə də elektron xidmətlərdən istifadə zamanı idarələrarası fikir ayrılıqları ilə bağlı olub.
Linin sözlərinə görə, bu amillərin aradan qaldırılması və dövlət orqanlarının öz gündəlik fəaliyyətlərində informasiya texnologiyalarının tətbiqində marağını artırmaq üçün, ilk növbədə, yeni ideyalar irəli sürmək və innovasiya yanaşmaları tətbiq etmək lazım gəldi.