Azərbaycan, Bakı, 14 oktyabr /Trend, müxbir Q.Vəliyev/
Türkiyənin "Korfez Engineering & Surveying Co" şirkəti Azərbaycanda distansiyalı zondlaşdırma xidmətlərini davam etdirməyi planlaşdırır. Bu barədə "Vexcel Imaging GmbH" şirkətinin məlumatında deyilir.
Xidmətlər "Microsoft" korporasiyasının tərkibinə daxil olan "Vexcel Imaging GmbH" şirkəti ilə imzalanan müqaviləyə əsasən göstəriləcək.
Distansiyalı zondlaşdırma xidmətlərinin göstərilməsi üçün rəqəmsal "UltraCamX" kameralarından istifadə olunacaq.
İlkin olaraq "Korfez Engineering & Surveying Co" şirkəti tərəfindən distansiyalı zondlaşdırma xidmətlərinin tam spektri Türkiyə, Liviya, Səudiyyə Ərəbistanı və Azərbaycanda göstəriləcək.
Gələcəkdə "Korfez Engineering & Surveying Co" öz fəaliyyətinin coğrafiyasını genişləndirməyi planlaşdırır.
"UltraCamX" kameraları tikinti aparılan rayonlarda vəziyyəti operativ təhlil etməyə və daşınmaz əmlakın alışı və ya satışı ilə bağlı suallara cavab verməyə imkan yaradır.