Azərbaycan, Bakı, 10 noyabr /Trend, müxbir H.Vəliyev/
Azərbaycanın biometrik pasportlarında bütün müasir müdafiə vasitələrindən istifadə olunacaq, bu, onun saxtalaşdırılması imkanını minimuma endirəcək. Bu barədə Trend-ə çərşənbə günü Ədliyyə Nazirliyindən bildiriblər.
Buometrik eynilik sisteminin hazırlanması ilə məşğul olan bir sıra şirkətlərin təklifləri üç il müddətində diqqətlə nəzərdən keçirildikdən sonra nəticədə İqtisadi İnkişaf Nazirliyi yanında fəaliyyət göstərən işçi qrupu tərəfindən İsveçrənin "Trüb AG" şirkəti seçilib.
İİN layihədə hökumət adından çıxış edir, konkret işlər isə bilavasitə Azərbaycan Daxili İşlər Nazirliyi tərəfindən aparılacaq.
Biometrik pasportların istehsalı və fərdiləşməsi üzrə "Trüb AG"nin texniki təklifləri Ədliyyə Nazirliyi tərəfindən müasir təhlükəsizlik tələblərinə uyğun olması, eləcə də Azərbaycan pasportlarının imicinə görə müasir nümunələrin digər göstəricilərindən geri qalmasın və onun saxtalaşdırılması imkanı az olsun, deyə öyrənilib.
Bu gün "Trüb AG" şirkəti analoji layihəni martın sonunda "Trüb AG" ilə Estoniyanın yeni ID-kartlarının, eləcə də Avropa İttifaqının direktivlərinə cavab verən yaşayış sənədlərinin istehsalı və fərdiləşdirilməsinə dair beşillik müqavilə bağlayan Estoniya hökuməti üçün həyata keçirib.
Azərbaycan hökumətinin eyniləşdirmənin biometrik sisteminə keçidlə bağlı layihə üzrə bütün tələb və təklifləri "Trüb AG" tərəfindən qəbul edilib. Layihəyə əsasən, biometrik pasportlar vətəndaşlara 2012-ci ilədək veriləcək. Layihədə biometrik pasportların üç növünün verilməsi nəzərdə tutulub: ümumvətəndaş, xidməti və diplomatik. Azərbaycanın biometrik pasportları dünyada mövcud olan pasportların həm dizayn, həm də məxfiliyi və digər elementləri baxımından onu daha yaxşı qorumaqdan geri qalmayacaq.
Layihəyə uyğun olaraq, Azərbaycanda yeni nəsil pasportlarınn fərdiləşdirilməsi ilə məşğul olacaq mərkəzlər yaradılacaq. Ölkədə məlumat bazası yaradılacaq, biometrik göstəricilər gələcəkdə məlumatların pasportun xüsusi biometrik səhifəsinə salınması ilə pasportun içərisinə sıxılmış çiplərə daxil ediləcək.
Bu sistemin tətbiqi Azərbaycanda "bir pəncərə" prinsipinin rahat və optimal tətbiqinə gətirib çıxaracaq. Bu, ilk növbədə, bürokratik elementləri aradan qaldırmağa, arayışların sayını və onların təsdiqlənməsi vaxtını azaltmağa imkan verəcək. Vətəndaş biometrik şəxsiyyət vəsiqəsinə malik olmaqla, bütün məlumat bazalarında yazılı təsdiq və ya arayış almadan keçə biləcək.