Azərbaycan, Bakı, 23 noyabr /Trend, müxbir H.Vəliyev/
Azərbaycan Prezidenti İlham Əliyev Rabitə və İnformasiya Texnologiyaları Nazirliyinə Azərbaycanın mobil rabitə operatoru Azercell şirkətinə üçüncü nəsil standartında (3G) rabitə xidmətlərinin göstərilməsi üçün lisenziyanın ayrılması məsələsini həll etmək tapşırılıb. Bu barədə çərşənbə axşamı Azercell-in rəhbəri Əli Ağan deyib.
Azercell artıq nazirliyə müraciət edib və lisenziyanın alınması üçün lazım olan bütün sənədləri təqdim edib. Şirkət sistemi sınaqdan da keçirib.
Dövlətin müəyyənləşdirdiyi lisenziyanın rəsmi dəyəri 11 min manatdır. Bu günə 3G standartında xidmətlərin göstərilməsi lisenziyasına yalnız Azerfon şirkəti malikdir.
Lisenziyanı alan operatorlar infrastruktura xeyli vəsait qoymalıdırlar. Onlar bütün şəbəkə avadanlığını, hər bir baza stansiyanı modernləşdirməli olacaqlar.