Azərbaycan, Bakı, 7 fevral /Trend,müxbir H. Vəliyev/
Finlandiyanın "Nokia" şirkətinin fevralın sonuna qədər Azərbaycandakı nümayəndəliyinin rəhbəri təyin olunacaq. Bu barədə bazar ertəsi Trend-ə "Mobitel" şirkətindən ("Nokia"nın Azərbaycandakı rəsmi distribüteri) məlumat verilib.
"Nokia" şirkəti 2010-cu ilin noyabrında Azərbaycanda rəsmi nümayəndəliyini açıb.
Hazırda sənədlərin hüquqi təsdiqi ilə bağlı məsələlər müzakirə olunur, bundan sonra nümayəndəliyin adı çəkilməyən rəhbəri ölkədə fəaliyyətə başlayacaq.
"Nokia"nın Azərbaycandakı nümayəndəliyinin əsas fəaliyyəti məhsulların satış və logistikası, həmçinin Azərbaycan bazarında məhsul və həllərin inkişaf və irəliləyişi üçün uzunmüddətli planların gerçəkləşməsi və mövqelərin möhkəmləndirilməsi ilə bağlı məsələlərin həllindən ibarət olacaq.
Şirkət Azərbaycanda ofis açmaqla öz tərəfdaşlarına daha yaxın olmaq niyyətindədir. Bu da istehlakçı seçimlərində dəyişikliklərə operativ cavab verməyə imkan verəcək.
Ofisin açılmasında mobil rabitənin nüfuz səviyyəsinin göstəricisi də mühüm rolu oynayıb. Azərbaycanda bu göstərici 100 faizə çatır.
