...

Naxçıvan MR-də rəqəmsal TV-nin test buraxılışı fevralın ortalarında gözlənilir

Telekommunikasiya Materials 1 Fevral 2012 15:55 (UTC +04:00)

Trend-i buradan izləyin

Azərbaycan, Bakı, 1 fevral /Trend, müxbir H.Vəliyev/

Naxçıvan Muxtar Respublikasında (NMR) rəqəmsal efir yayımının test buraxılışı yaxın iki həftədə gözlənilir. Bu barədə çərşənbə günü Trend-ə "B&BTV Communications" şirkətinin marketinq şöbəsinin meneceri Samir Mahmudov bildirib.

Mahmudovun sözlərinə görə, Naxçıvan şəhəri yaxınlığında quraşdırılan antenanın əhatə radiusu təxminən 60 kilometr təşkil edəcək.

Əhali 12 telakanaldan ibarət rəqəmsal paketdən istifadə edə biləcək. Bura, həmçinin iki yerli kanal ("Kanal-35" və "Naxçıvan TV") daxil ediləcək. Gələcəkdə kommersiya əsasında daha 72 telekanal təklif ediləcək.

NMR-in Rabitə və İnformasiya Texnologiyaları Nazirliyindən əvvəl verilən məlumata görə, rəqəmsal formatda yayım 2012-ci ilin sonunadək analoq yayımla paralel olaraq həyata keçiriləcək, 2013-cü ildə isə NMR-də analoq yayım tamamilə dayandırılacaq.

Rəqəmsal siqnal Duzdağ Radio-Televiziya Verici Stansiyasından yayımlanacaq. Baş stansiya və vericilərin qurulması üzrə işlər yaxın müddətdə başa çatacaq.

Xəbər lenti

Xəbər lenti