Azərbaycan, Bakı, 6 mart /Trend, müxbir H.Vəliyev/
600 minə yaxın ailə güzəştli şərtlərlə dekoder ala biləcək. Bu barədə çərşənbə axşamı Trend-ə "Peyk" zavodunun direktoru Siyavuş Əliyev bildirib.
Əliyevin sözlərinə görə, bununla əlaqədar olaraq, Milli Televiziya və Radio Şurası (MTRŞ) ölkə hökumətinə müraciət ünvanlayıb.
"Dekoderlərin istehsalı haqqında sifariş Müdafiə Sənayesi Nazirliyinə daxil olub. Yekun nəticələr yaxın vaxtlarda məlum olacaq. Biz hələ bu qurğuların satışının açılışına başlamağı planlaşdırmırıq. Bu, real olaraq, dövlət sifarişi alındıqdan və onların kütləvi istehsalına başlanmasından sonra mümkün olacaq. "Peyk" dekoderlərin istehsalına tam hazırdır", - Əliyev vurğulayıb.
Qurğudan sıravi istehlakçı onların sayı müəyyənləşdirildikdən sonra istifadə edə biləcək. Əgər dövlət sifarişi, məsələn, 300 ədəd təşkil edəcəksə, onlar ikiqat artıq (500-600 min ədəd) istehsal ediləcək ki, bu da onların pərakəndə satışa çıxarılmasına kömək edir.
Qurğular bazara "DVB-T PEYK" brendi altında çıxarılacaq, onların qiyməti isə 30 manatı ötməyəcək.
