Azərbaycan, Bakı, 5 may /Trend, müxbir H.Vəliyev/
Azərbaycanın poçt operatoru "Azərpoçt" MMC-nin rebrendinqi üzrə pilot layihəyə 2014-cü ilin sentyabrında başlanacaq. Bunu bazar ertəsi Trend-ə MMC-dən deyiblər.
MMC-dən bildiriblər ki, layihənin Şirvan şəhərinin 7 poçt şöbəsində başlanılması gözlənilir. Layihəni Niderlandın "Guidion" şirkəti həyata keçirəcək. Daha əvvəl layihə üzrə işlər ilin ortalarına planlaşdırılmışdı.
Qeyd edək ki, rebrendinq proqramı üzrə işlər mərhələli olaraq həyata keçiriləcək və 2015-ci ilin fevralında başa çatacaq.
"Guidion"un vəzifəsi poçt operatorunun marketinq strategiyasını hazırlamaq, onun yeni maliyyə məhsullarına olan ehtiyacını qiymətləndirməkdir. Başlıca məqsəd marketinq və satışlar üzrə strategiyanın əsas tərkib hissəsi kimi poçt operatorunun yeni brend strategiyasının müəyyənləşdirilməsinə dəstək verməkdir. Bununla əlaqədar olaraq bazar araşdırmaları və planlaşdırma, kommunikasiya və media-planlaşdırma sahələrində MMC-nin potensialının gücləndirilməsi nəzərdə tutulur.
Bu məqsədlər üçün İsveçrənin İqtisadi Məsələr üzrə Dövlət Katibliyinin (State Secretariat for Economic Affairs - SECO) qrant vəsaitindən 130 min dollar xərclənəcək.
