...

Sərxan Həşimov “Microsoft”un MDB üzrə İdarə Heyətinin üzvü seçilib

Telekommunikasiya Materials 28 Noyabr 2017 13:36 (UTC +04:00)
“Microsoft Azerbaijan” şirkətinin baş direktoru Sərxan Həşimov “Microsoft”un MDB üzrə İdarə Heyətinin üzvü seçilib.
Sərxan Həşimov “Microsoft”un MDB üzrə İdarə Heyətinin üzvü seçilib

Bakı. Trend:

“Microsoft Azerbaijan” şirkətinin baş direktoru Sərxan Həşimov “Microsoft”un MDB üzrə İdarə Heyətinin üzvü seçilib.

Şirkətdən Trend-ə verilən məlumata görə, S.Həşimov korporasiyanın biznesinin Türkmənistan və Tacikistanda inkişafı məsuliyyətini də üzərinə götürüb.

S.Həşimovun əsas vəzifələri “Microsoft”un biznesinin Türkmənistan və Tacikistanda inkişafı, o cümlədən bulud texnologiyaları sahəsində, əsas tərəfdaşlar və sifarişçilərlə işgüzar əlaqələrin qorunub saxlanması, həmçinin dövlət orqanları ilə qarşılıqlı əməkdaşlığın inkişafı və nümayəndəliyin komandasına rəhbərlik etməsindən ibarətdir.

S.Həşimov bildirib: “Türkmənistan və Tacikistan bazarları bizim şirkətin bulud və mobil texnologiyaları, platforma həlləri və birgə iş üzrə vəsaitlər kimi prioritet istiqamətlərini uğurlu inkişaf etdirməsi üçün lazımi xüsusiyyətlərə malikdirlər. Əminəm ki, missiyamızı icra edərək – insanlara və təşkilatlara daha çox nailiyyət qazanmaqda yardım göstərərək biz ölkə iqtisadiyyatına və cəmiyyətin inkişafına öz töhfəmizi verə biləcəyik”.

İKT sahəsində 13 il bundan öncə əmək fəaliyyətinə başlayan S.Həşimov HP, “Oracle” və SAP kimi beynəlxalq şirkətlərdə çalışaraq karyera qurmağı bacarıb. O, iki il ərzində “Oracle” şirkətinin ən uğurlu əməkdaşlarından biri olub, SAP şirkətində isə o, 2015-ci ilin nəticələrinə əsasən, dünyanın ən yaxşı işçilərdən biri seçilib. S.Həşimov irimiqyaslı layihələrin idarə edilməsi, konsaltinq xidmətlərinin təqdim olunması və biznesin inkişafı sahələrində geniş təcrübəyə, eyni zamanda, bulud texnologiyaları, mobil tətbiqlər və şirkətin resurslarının idarə edilməsi (ERP) sahələrində geniş biliyə malikdir.

S.Həşimov evlidir, 9 yaşında bir oğlu var, asudə vaxtlarında peşəkar səviyyədə şahmatla məşğul olur.

Məqalədə:
Xəbər lenti

Xəbər lenti