Bakı. Trend:
İran rəqəmsal iqtisadiyyatın ÜDM-də 10 faizlik paya nail olmaqda qətiyyətlidir və inklüziv və davamlı rəqəmsal inkişafın təşviqi üçün bütün dövlətlərlə qarşılıqlı faydalı əməkdaşlığa hazırdır.
Trend xəbər verir ki, bunu İranın Rabitə və İnformasiya Texnologiyaları naziri Seyid Səttar Haşimi Bakıda keçirilən Ümumdünya Telekommunikasiya İnkişafı Konfransında çıxışında deyib.
“Rəqəmsal transformasiyanın hərəkətverici qüvvəsi olaraq 5G-nin tətbiqi sürətli şəkildə davam edir – artıq 2000-dən çox aktiv stansiya fəaliyyət göstərir. Videorabitə təkcə əlçatanlıq demək deyil, o, həm də elmi, iqtisadi və sosial artımın təməlidir”, - deyə nazir bildirib.
Onun sözlərinə görə, bu gün İran rəqəmsal xidmətlərin göstərilməsində şəhər və kəndlər arasındakı fərqin azaldılması baxımından dünyanın ən qabaqcıl ölkələri sırasındadır.