Bakı. Trend:
Qazaxıstan Azərbaycanla ticarət dövriyyəsinin həcmi baxımından birinci yeri tutur. Yanvar-oktyabr aylarında bu göstərici 224,5 milyon dollar artaraq 600,3 milyon dolları ötüb ki, bu da regiondakı digər ölkələrin nəticələrindən xeyli yüksəkdir.
Bu barədə Trend Azərbaycan Dövlət Gömrük Komitəsinə istinadən məlumat verir.
Eyni zamanda, Qazaxıstan və Azərbaycan arasındakı ticarətin strukturu Azərbaycana idxalın (519,4 milyon dollar) əhəmiyyətli həcmdə olduğunu göstərir.
Hesabat dövründə Özbəkistan Azərbaycanla ticarət dövriyyəsinin həcminə görə ikinci yeri tutub — təxminən 472,5 milyon dollar, bu isə 276,4 milyon dollardan çox artım deməkdir.
Həmçinin, Qırğızıstan və Tacikistanla ticarət dövriyyəsinin həcmində də əhəmiyyətli artım müşahidə olunur. Qırğızıstan Azərbaycanla ticarət dövriyyəsini 32,2 milyon dollar artıraraq 66,1 milyon dolları keçib, Tacikistanla Azərbaycan arasındakı ticarət dövriyyəsi isə 6 milyon dollar artaraq 11,1 milyon dollar təşkil edib.
|
Ölkənin adı |
ixrac (ABŞ dolları) |
idxal (ABŞ dolları) |
|
Qazaxıstan |
80 878 |
519 416 |
|
Qırğızıstan |
14 364 |
51 772 |
|
Özbəkistan |
60 989 |
411 560 |
|
Tacikistan |
10 224 |
920 |
|
Türkmənistan |
55 322 |
128 714 |
Qeyd edək ki, Azərbaycanın Dövlət Gömrük Komitəsinin hesablamalarına görə, bu ilin yanvar-oktyabr ayları ərzində Azərbaycan 173 ölkə ilə ümumilikdə 40,862 milyard ABŞ dolları dəyərində ticarət əməliyyatları həyata keçirib.
Ticarət dövriyyəsi ixrac üzrə 21,637 milyard ABŞ dolları, idxal üzrə isə 19,225 milyard ABŞ dolları təşkil edib. Beləliklə, illik ifadədə ixrac 4,9% azalıb, idxal isə 15,6% artıb.