Sentyabrın 24-də Bakıda Ümumdünya Poçt İttifaqının maliyyə dəstəyi ilə poçt sahəsində marketinq məsələlərinə dair beynəlxalq seminar öz işinə başlayıb. Rabitə Nazirliyindən Trend ə verilən məlumata görə, Azərbaycan və Gürcüstan mütəxəssisləri üçün bu seminarın keçirilməsi məqsədilə ÜPİ xətti ilə poçt rabitəsində marketinq üzrə beynəlxalq məsləhətçi Nik Karyer (Niek Carriere) sentyabrın 23-də Bakıya gəlib.
Nazirlikdə onu da qeyd ediblər ki, seminarda poçt bazarının öyrənilməsi, yeni xidmətlərin tətbiq olunması, müştərilərə müasir və yeni xidmətlərin göstərilməsi, göstərilən xidmətlərin keyfiyyətinin yaxşılaşdırılması ilə bağlı məsələlər müzakirəyə çıxarılacaq.
Seminarda Azərbaycan tərəfindən Azərpoçt DM-in şöbə müdirləri, RN-in bu sahədə ixtisaslaşmış nümayəndələri iştirak edirlər.
