Rabitə və İnformasiya texnologtyaları Nazirliyi Dünya Bankının Azərbaycanın poçt sisteminin təkmilləşdirilməsi üzrə layihəsi çərçivəsində məsləhətçinin seçilməsi üzrə tender keçirib. Bu barədə Trend ə Rabitə Nazirliyindən məlumat verilib.
Nazirlikdən bildirilib ki, yaxın günlərdə Bank tərəfindən Azərpocht Dövlət Müəssisəsi üçün lokal şəbəkənin quraşdırılması üzrə növbəti tender elan ediləcək.
"Azərbaycanda özündə proqram təminatını əks etdirən Azərbaycanda lokal şəbəkənin yaradılması ilə bağlı işlərin 2006-cı ilin sonlarına kimi həyata keçirmək planlaşdırılır", - deyə dövlət strukturundan bildirilib.
Bununla yanaşı, layihədə nəzərədə tutulduğu kimi poçt əməkdaşları üçün iş prinsipləri üzrə treninqlər keçiriləcək.
Layinən həyata keçirilməsindən sonra Azərpocht DM status əldə edəcək və maliyyə və bank xidmətlərinin ödənişi üzrə milli sisteminə daxil olacaq. Layihə çərçivəsinqdə həyata keçirilən tədbirlər nəticəsində 1000-dən artıq yeni iş yerinin açılması nəzərdə tutulub.
Layihə Azərbaycanda 2005-08-ci illərdə rabitə və telekommunikasiya sisteminin inkişafı üzrə dövlət proqramı çərçivəsində həyata keçirilir. 3 illik layihənin ümumi dəyəri $17,5 mln təşkil edir ki, ondan $12,25 mln DB-nın payına düşür. Qalan hissəsi isə Azərbaycan hökuməti tərəfindən maliyyələşdiriləcək.
