2006-cı ilin yanvarında Azərbaycanın Rabitə və informasiya texnologiyaları nazirliyi ölkənin telekommunikasiya sahəsinə 612,6 min AZN sərmayə qoyub. Nazirlikdən Trend ə verilən məlumata görə, vəsaitlər həm paytaxtda, həm də regionlarda rabitə obyektlərinin yenidən qurulmasına, yeni telefon xətlərinin çəkilməsinə yönəldilib.
Bu dövr ərzində Aztelekom İB 48,7 min AZN, Bakı Telefon rabitəsi - 537,1 min AZN, Teleradio İB - 7 min AZN məbləğində vəsait ayırıb.
Qeyd edək ki, 2005-ci ildə Rabitə nazirliyi ölkənin telekommunikasiya sahəsinə 157,571 mlrd manat sərmayə qoyub ki, bu da 2004-cü illə müqayisədə 66 mlrd manat çoxdur.
