Microsoft korporasiyasının Bakı nümayəndəliyinin baş meneceri Vladimir Çaykovski olacaq. Bu barədə Trend ə AZEL (Azerbaijan Electronics) rəhbəri İqor Yakovenko bildirib. V.Çaykovski bundan öncə Microsoft-un Ukrayna ofisinin rəhbəri idi.
İ.Yakovenkonun sözlərinə görə, Microsoft ofisinin Bakıda rəsmi açılışı fevralın 28-də baş tutacaq.
Açılış mərasimində xüsusilə Microsoft-un MDB ölkələri üzrə baş meneceri Serqius Viza iştirak edəcək.
Bu, şirkətin Zaqafqaziyada ilk ofisi olacaq. Microsoft-un indi Qazaxıstan, Rusiya və Ukraynada nümayəndəlikləri vardır.
AZEL Microsoft korporasiyasının rəsmi tərəfdaşıdır.