Aztelekom İB Gəncədə CDMA (Code Division Multiple Access) xidmətlərinin tətbiq edilməsinə hazırlıq işləri aparır. Bu barədə "Trendə" İB-dən xəbər veriblər. Bu məqsədlə Azərbaycanın bölgələrində CDMA şəbəkəsinin quraşdırılması üçün 500 min dollar məbləğində yeni avadanlıq sifariş edilib.
Gələcəkdə bu xidmətlər Şəki, Qəbələ və digər rayonlarda da quraşdırılacaq. İB 2008-ci ilin sonuna qədər ölkənin bütün bölgələrində CDMA şəbəkəsini tətbiq etmək niyyətindədir.
Bu gün CDMA xidmətlərindən Şamaxı və Naxçıvan abunəçiləri istifadə edə bilirlər.
NGN (Next Generation Network) texnologiyasının ölkənin bölgələrində, xüsusilə də Şamaxı Telekommunikaiya Şəbəkəsində (ŞTŞ) tətbiq olunması məsələsinə gəldikdə isə, müəssissədə qeyd etdilər ki, artıq tender elan olunmuşdur. Bu texnologiya Bakı Telefon Rabitəsi İB-də 2005-ci ilin sonunda Bakı telekommunikasiya şəbəkəsində tətbiq edilib.
