Rabitə və İnformasiya Texnologiyaları Nazirliyinin nümayəndə heyəti Moskvaya işguzar səfər edəcək. Nazirliyin Poçt Rabitəsi şöbəsinin rəhbəri Novruz Məmmədovun Trend ə verdiyi məlumata görə, şöbənin aparıcı məsləhətçisi Vüqar Allahyarov və Poçt Təhlükəsizliyi şöbəsinin rəisi Novruz Qalayevin səfərinin məqsədi Rusiyanın poçt administrasiyası ilə 2005-ci ildə imzalanmış "Niyyətlər haqqında" protokoldakı tədbirlərin icrasını müzakirə etməkdir.
Protokola yerüstü poçt mübadiləsinin təşkili və poçt bağlamaları tariflərinin azaldılması, sürətli pul köçürmələri üzrə ikitərəfli mübadilənin genişləndirilməsi və sair məsələlər daxıildir.
Nazirliyin mütəxəssisləri Moskvada bir həftə qalacaq.
Gündəlikdəki əsas məsələlərdən biri yerüstü poçt mübadiləsinin gerçəkləşdirilməsidir ki, Rusiya tərəfi həmin layihənin iqtisadi əsaslandırılmasını keçirməyi təklif edir.