Alcatel Azərbaycanın Rabitə və İnformasiya Texnologiyaları ilə birgə yerli İT şirkətləri üçün "Konvergensiya - siz düzgün yoldamısınız?" adlı seminar keçirib. Trend in verdiyi xəbərə görə, tədbirin əsas məqsədi yerli şirkətləri Alcatel tərəfindən hazırlanmış yeni təklif və həllərlə tanış etmək, təsbit edilmiş və mobil rabitə xidmətlərinin konvergensiyası üzrə müzakirələr (Fixed-Mobile Convergence, FMC), gələcək nəslin texnologiyaları NGN, Wi-Fi, Wi-Max, UMA və b. ilə tanışlıqdan ibarətdir.
Seminarın açılışında çıxış edən Azərbaycanın rabitə və informasiya texnologiyaları naziri Əli Abbasov qeyd edib ki, İT sahəsi hazırda ölkə iqtisadiyyatının prioritet istiqamətlərindən biridir və onun inkişafı Azərbaycan üçün, hər şeydən əvvəl Azərbaycanın inkişafının möhkəmlənməsi üçün çox vacibdir.
Alcatel-in MDB ölkələri üzrə vitse-prezidenti Qerhard Rixter (Gerhard Richter) Azərbaycanın İT sahəsinin xeyli inkişaf etdiyini qeyd edib və bildirib ki, burada yeni texnologiya və xidmətlərin tətbiqi üçün böyük potensial var.
Seminarda bir sıra İT şirkətlərin - Sinam, Azeurotel İB, Bakcell BM-in mütəxəssisləri, Rabitə Nazirliyinin şöbə rəisləri və müəssisə rəhbərləri iştirak ediblər.
