2006-cı ilin yanvar-iyun aylarında Azərbaycanda rabitə sahəsində 250,1 mln. manat həcmində xidmət göstərilib ki, bu da ötən ilin analoji müddətilə müqayisədə 27,1% çoxdur. Bu barədə Trend Dövlət Statistika Komitəsinə istinədən xəbər verib.
Bunun 29,3%-i - dövlət, 70,7%-i- özəl müəssisələr tərəfindən göstərilib ki, bu da 21,4% və 29,6 % artım deməkdir. Bununla yanaşı, əhaliyə göstərilən rabitə xidməti ümumi xidmətin həcminin 75%-ni təşkil edir.
Mobil rabitədən əldə olunmuş gəlirlər əvvəlki illə müqayisədə 29,5% artaraq 160,4 mln. manata çatıb.
Azərbaycan regionlarında da xeyli artım müşahidə olunur. Abşeron iqtisadi zonasında göstərilmiş telekommunikasiya xidmətlərinin həcmi 9,7%, Quba-Xaçmazda - 14,1%, Şirvanda - 11,6%, Şəki-Zaqatalada - 34,5%, Gəncə- Qazaxda - 20%, Naxçıvanda - 19,6%, Lənkəranda - 16,5% və Aranda -21,5% artıb.
