Rabitə və İnformasiya Texnologiyaları Nazirliyi Azərbaycanın tam surətdə rəqəmli tele-radio yayıma keçməsi üzrə dövlət proqramı hazırlayıb. Trend in xəbər verdiyi kimi, bu barədə rabitə və informasiya texnologiyaları naziri Əli Abbasov məlumat verib.
Onun sözlərinə görə, Beynəlxalq Telekommunikasiyalar İttifaqının (ITU) tövsiyələrinə əsasən, yaxın gələcəkdə Azərbaycan tam surətdə rəqəmli yayıma keçməlidir.
"Əgər dövlət proqramı gerçəkləşdirilərsə, o zaman bütün radio və televiziya kanallarının 2015-ci ilədək rəqəmli yayıma keçməsi mümkün olacaq", - deyə nazir vurğulayıb.
İlk dəfə Azərbaycanda rəqəmli televiziya sistemi 10 oktyabr 2004-cü ildə pilot layihəsi kimi cəlb olunub. Bu sistemə keçid televiziya kanallarının sayının artmasına, o cümlədən təsvir və səs keyfiyyətinin xeyli yaxşılaşmasına imkan verəcək.