İlin sonunadək Strategic Policy Research şirkəti öz tövsiyələrini Azərbaycanın Rabitə və İnformasiya Texnologiyaları Nazirliyinə təqdim edəcək. Trend in xəbər verdiyi kimi, bu barədə SPR missiyasının rəhbəri, şirkətin hüquq məsələləri üzrə mütəxəssisi Kreyq Bleykli (Craig Blakeley) məlumat verib.
Şirkətin mütəxəssisləri nazirlik və onun müəssisələrində xüsusilə tənzimləmə sahəsində islahatlar və institusional dəyişikliklərlə bağlı araşdırmalar aparır. Bu araşdırmalar əsasında tövsiyələr paketi hazırlanacaq.
Bu işlər Rabitə Nazirliyi ilə ABŞ-ın Ticarət və İnkişaf Agentliyi (USTDA- United States Trade and Development Agency) arasında 2005-ci ilin yanvarında imzalanmış qrant sazişi əsasında həyata keçirilir. Qrantın həcmi təxminən $735 min təşkil edir.