Nazirlikdən Trend -ə bildiriblər ki, Azərbaycanın Rabitə və İnformasiya Texnologiyaları Nazirliyi Azərbaycanda elektron ticarətinin yaradılması mümkünlüyünü araşdırır. Hazırda artıq Azərbaycanın müxtəlif regionlarında tədqiq işləri aparan işçi qrupu yaradılıb. İşlər sorğu xarakteri daşıyır, yəni ölkənin regionlarında iş aparılarkən bu layihəyə əhalinin marağının səviyyəsini, hər hansı mallarını və ərzaqlarını elektron mağazasında təqdim edəcəklərini, onların kompüterdən istifadə edə bilmə qabilliyətini araşdırılır.
Rabitə Nazirliyində bildiriblər ki, bu günə kimi şimal regionunda, Qubada, Xaçmazda, Dəvəçidə işlər aparılıb, analoji işlər bütün regionlarda aparılacaq. Rabitə Nazirliyində qeyd ediblər ki, yaxın günlərdə işçi qrupu eləcə də cənub regiona, Naxçıvan Muxtar Respublikasına baş çəkəcək.
Layihənin reallaşdırma müddəti 6 aydır ki, bunlardan ikisi artıq geridə qalıb. İşlər bitdikdən sonra layihənin nəticələri elan və nəşr ediləcək. Rabitə Nazirliyində sonda deyiblər ki, layihənin həyata keçirilməsi effektivliyinin səviyyəsi müəyyənləşdirdikdən sonra artıq müəyyən işlərə başlanılacaq.
