"Milli informasiyaların ötürülməsi üzrə AzDatacom magistral şəbəkəsi layihəsi çərçivəsində bütün işlər 2007-ci ildə başa çatacaq".
Trend in xəbər verdiyi kimi, bu barədə "Ultra" şirkətinin rəhbəri Tahir Mirkişili bildirib.
Hazırda AzDatacom magistral şəbəkəsinin Bakı seqmenti üzərində işlər bitmək üzrədir. Bakı seqmentinin tam bitməsi ilin sonunda gözlənilir. 2007-ci ildə analoji tədbirlər Azərbaycanın digər şəhər və regionlarında başlanacaq.
İlk növbədə, regionlərda şəbəkə optik-lifli rabitə xətlərinin olduğu yerdə çəkiləcək.
AzDatacomun Bakı halqası 10 Gbps-ə kimi keçirmə qabiliyyətinə malik olacaq, rayonlarda isə bu göstərici hələlik 1 Gbps-ə çatacaq. Gələcəkdə bu rəqəm 10-a kimi artırılacaq. Şəbəkəyə tədris müəssisələri, dövlət şirkətləri qoşulacaq. Dəyişdirilmiş tarif siyasəti bu şəbəkə bazasında xidmətlərin sayını əhəmiyyətlə dərəcədə artıracaq. İnternet provayderləri və digər xidmət növləri regionlarda biznesi inkişaf etdirə biləcək.
"Milli elektron idarəetmə təşəbbüsü " (National E-Governance Network Initiative) texniki yardım proqramı tərəfindən həyata keçirilən layihə Rabitə Nazirliyi və BMT-nin İnkişaf Proqramı (UNDP) ilə birgə həyata keçirilən, o cümlədən 2004-2008-ci illərdə Azərbaycanda rabitə və informasiya-komunikasiya texnologiyalarının inkişafı üzrə dövlət proqramına (Elektron Azərbaycan ) daxil olan tədbirlərdən biridir.
