...

Azərbaycanın Bakcell şirkəti 4 G rabitə texnologiyasını tətbiq etmək niyyətindədir

Telekommunikasiya Materials 3 Fevral 2007 12:12 (UTC +04:00)

Azərbaycanın mobil operatoru - Bakcell 4 G - dördüncü nəsil rabitə texnologiyası üzrə xidmətləri tətbiq etmək niyyətindədir.

Şirkətin mətbuat xidmətindən Trend ə verilən məlumata görə, indi bunun üçün işlər görülür, tədbirlər planı hazırlanır, avadanlığın alınması üzrə danışıqlar aparılır.

Şirkət Rabitə və İnformasiya Texnologiyaları Nazirliyindən lisenziya almağı və yeni texnologiyanı 2010-cu ilə qədər tətbiq etməyi planlaşdırır.

Texniki baxımdan dördüncü nəsil şəbəkəsinin əvvəlki üçüncüdən əsas fərqi bundan ibarətdir ki, 4G texnologiyası tamamilə məlumatların paket ötürülməsi protokollarına əsaslanıb, 3G isə səs trafiki və paket məlumatlarının ötürülməsi protokollarını özündə birləşdirir.

Bakcell 1994-cü ildə Azərbaycan Rabitə Nazirliyi ilə əməkdaşlıqda birgə müəssisə kimi yaradılıb. Hazırda şirkət bütün ölkədə 700 mindən çox abunəçiyə xidmət göstərir.

Bu yaxınlarda Çində dünyada birinci olan 4G şəbəkəsi işə salınıb. İnşa edilən sistem 100 Mbit/saniyə sürətlə məlumatların simsiz ötürülməsini təmin edir, bu isə mövcud texnologiyaların imkan verdiyindən bir neçə dəfə sürətlidir.

Xəbər lenti

Xəbər lenti