Azərbaycan, Bakı / Trend /Azərbaycanın Rabitə və İnformasiya Texnologiyaları Nazirliyinin "Aztelekom" İB Şamaxının mərkəzi və kənd yaşayış məntəqələrində NGN (Next Generation Network) pilot şəbəkəsinin yaradılması layihəsi çərçivəsində daxili və stansiyaların birləşdirici şəbəkə xətlərinin tikintisi üzrə tenderin qalibini elan edib. "Aztelekom" İB-nin məlumatında bildirildiyi kimi, tender komissiyası "Rabitə Tikinti" ASC-nin təkliflərini ən məqbul hesab edib.
Yuxırada adıçəkilən texnologiyanın tətbiqi abunəçilərə VoIP-telefoniya, səsli poçt, məlumatların ötürülməsi, multimedia xidmətləri, virtual özəl şəbəkələr, məlumatların mübadiləsi, ani olaraq məlumatlar mübadiləsi, interaktiv cavab sistemi xidmətləri, interaktiv oyunlar, videokonfranslar və ev meneceri kimi xidmətlərdən istifadə etmək imkanı verəcək.
