Azərbaycan, Bakı / Trend müx. S.Babayeva/ Azərbaycan Rabitə Nazirliyi Samux rayonunun rabitə sisteminin bərpasını başa çatdırır. Nazirliyin mətbuat xidmətindən verilən məlumata görə, rayonun 3 qəsəbə və 12 rayonunda əksəriyyəti müasir tipli olan 15 ATS var, onlar fibrooptik naqilə qoşulublar. Hazırda TKQ-nın tutumu 6412 nömrə , istismar tutumu isə 6031 nömrə təşkil edir. Mətbuat xidmətindən qeyd ediblər ki, yanvar-may aylarında Samuxda telefon aparatlarının sayı 464 vahid artıb. Rayonda hər 100 ailəyə 59,2 ədəd, hər 100 adama isə 11,1 ədəd telefon düşür.
Abonentlərin sayının artması TKQ-nın gəlirlərinin artmasına səbəb olub. Son beş ay ərzində rayonda rabitə sahəsindən əldə edilən gəlir 31,4 % və 25, 1 min manat artıb və 105 min manat təşkil edib. Şəhərlər arası və şəhərdaxili danışıqlardan əldə olunan gəlir 12% artıb və 73,3 min manat təşkil edib.