...

İşçi qrup Azərbaycanın "Xalq kompüteri" layihəsini tamamlayır

Telekommunikasiya Materials 16 İyun 2007 14:55 (UTC +04:00)

Azərbaycan, Bakı/ Trend müxbir S.Babayeva/ Xüsusi işçi qrup "Xalq kompüteri" layihəsini başa çatdırır. Bu barədə Azərbaycan Rabitə və Informasiya Texnologiyaları Nazirliyindən məlumat verilib.

"Microsoft" korporasiyasının baş vitse-prezidenti Kreyq Mandinin Bakıda rabitə naziri Əli Abbasovun iştirakı ilə keçirdiyi müzakirələrdən sonra detallar razılaşdırılıb və layihənin ilkin variantının tamamlanması məqsədəuyğun hesab olunub.

"Xalq kompüteri" layihəsinin məqsədi əhalinin aztəminatlı hissəsinə uzunmüddətli kredit və aşağı faiz dərəcələri ilə kompüterlərin verilməsindən ibarətdir.

Layihənin həm hökumət tərəfindən, həm də xarici vəsait hesabına maliyyələşdirilməsi nəzərdən keçirilir. "Microsoft" proqram təminatını lisenziyalaşdıracaq, "Intel" isə güzəştli əsaslarla müvafiq avadanlıqlarla təmin edəcək.

Nazirlikdən bildiriblər ki, dəyişikliklər və tamamlama işləri əsasən əhali tərəfindən kompüterlərin alınması və layihənin maliyyələşdirilməsinə stimullaşdırma ilə bağlıdır.

İşçi qrup nazirliyin, "Microsoft" və "Intel" şirkətlərinin mütəxəssislərindən ibarətdir.

Təqribi hesablamalara görə, hazırda Azərbaycanda hər 100 nəfərə 3-4 kompüter düşür. Bu layihə həyata keçirildikdən sonra həmin rəqəmi 5 dəfəyə qədər artırmaq mümkün olacaq.

Xəbər lenti

Xəbər lenti