Azərbaycan, Bakı / Trend / "AZEL"in prezidenti İqor Yakvenkonun Azərbaycanın Sənaye-Ticarət Palatasının nəşri olan "Contact" jurnalına verdiyi məlumata görə, 2007-ci ildə "AZEL" şirkətinin biznes inkişafının əsas istiqamətlərini özündə sifarişli işləmələri və hazır komponentlər əsasında biznes qərarların yaradılmasını birləşdirən proqram sistemin işlənməsi və sınaqdan keçirilməsi ilə bağlı layihə xidmətləri təşkil edəcək.
Onun sözlərinə görə, qarşıya qoyulan məqsəd əməkdaşlıq şəbəkəsinin inkişafı və regional nümayəndələr institutunun yaradılması yolu ilə şirkətin məhsullarının ölkənin rayonlarına yönəldilməsidir.
"AZEL" Azərbaycanda proqram təminatının işlənməsi, müşayiət edilməsi və sınaqdan keçirilməsi və kompüter texnikasının çatdırılması sahəsində ixtisaslaşan şirkətdir və əsası 1991-ci ildə qoyulub.
"AZEL"in artımı 2006-cı ildə 20% təşkil edib. Bu dövr ərzində şirkət müştərilər dairəsini genişləndirib, həm daxili, həm də xarici bazarda mövqeyini möhkəmləndirib.
Ən genişmiqyaslı layihə ARDNŞ-in Marketinq və Xarici Sərmayələr şöbəsi üçün nəzərdə tutulan layihə olub ki, bu layihə çərçivəsində "AZEL"in mütəxəssisləri Microsoft Business Solutions - NAV sisteminin tətbiqini həyata keçiriblər. Bir sıra Azərbaycan banklarında və digər layihələrdə Progress bank sistemi tətbiq olunub.
