Azərbaycan, Bakı /müx. Trend S.Babayeva/ Rabitə və İnformasiya Texnologiyaları Nazirliyinin məlumatında bildirilir ki, yanvar-iyul aylarının operativ məlumatlarına əsasən, Azərbaycan Rabitə Nazirliyinin tarif gəlirləri 103761,4 min manat təşkil edib. Bu göstərici ötən il göstəricisindən 0,8% azdır.
Əhaliyə 38593,4 min manat dəyərində xidmət göstərilib ki, bu da ötən ilin analoji dövrü ilə müqayisədə 13,6% çoxdur.
Azərbaycanın rabitə və informsiya texnologiyaları sahəsinin inkişafına qoyulmuş dövlət vəsaitlərinin həcmi 2006-cı ilin yanvar-iyul aylarının analoji göstəricisini 0,8% keçməklə 17200,9 min manat təşkil edib.
2007-ci ildə Rabitə Nazirliyi 29 mln. manat həcmində investisiya qoymağı planlaşdırır. 2006-cı ildə dövlətin rabitə orqanı tərəfindən qoyulan sərmayələrin həcmi 42 mln. manat təşkil edib, rabitə sahəsində qoyulan investisiyaların ümumi həcmi isə 211,6 mln. manata çatıb (Azərbaycan iqtisadiyyatına yönəlmiş ümumi investisiyaların 3,5%-i).
