Azərbaycan, Bakı, 15 may /Trend, müxbirlər E.Mehdiyev, V.İmanov/
Makedoniya təmsilçisi Bakıda keçirilən "Eurovision 2012" mahnı müsabiqəsinin əvvəlki yarışmalardan daha möhtəşəm olduğunu qeyd edib.
Trend-in məlumatına görə, "Bakı Kristal Zalı"nda ilk məşqindən sonra keçirdiyi mətbuat konfransında Makedoniya təmsilçisi Kaliopi Bukle deyib ki, bu cür möhtəşəm bir yarışmanın Azərbaycanda keçirilməsi çox gözəldir.
O vurğulayıb ki, "Bakı Kristal Zalı" hər bir müğənninin özünü rahat hiss etməsi üçün bütün şəraitə malikdir.
Müğənni, həmçinin Bakıda qonaqpərvər və mehriban insanlarla tanış olduğunu, dostlar tapdığını bildirib.
...