Gürcüstan, Tbilisi, 11 sentyabr / Trend , müxbir N.Kirtsxaliya/ Ermənistanın xarici işlər naziri Edvard Nalbəndyan sentyabrın 12-də Gürcüstana səfər edəcək. Hökumət dəftərxanasından verilən məlumata görə, səfər çərçivəsində gürcü-erməni münasibətləri nəzərdən keçiriləcək.
Nazirin ölkə prezidenti, baş nazir, xarici işlər naziri ilə keçirəcəyi rəsmi görüşlər zamanı son vaxtlar Gürcüstanda baş verən hadisələr nəzərdən keçiriləcək.
Ermənistanın xarici işlər nazirinin səfəri iki gün davam edəcək.