İsrailin müdafiə naziri Ehud Barak İsrail ordusunun Qəzzə hücumunu lazım olduğu qədər genişləndirəcəyini bildirib. Bu barədə Frans Press agentliyi məlumat verib.
"İsrail Qəzzə zolağında Həmas əleyhinə hərbi əməliyyatları lazım olduğu qədər genişləndirəcək", - deyə Barak bildirib. Nazir eyni zamanda keçirilən hərbi əməliyyatların asan və sadə olmayacağını da vurğulayıb.
Dekabrın 27-də günorta satlarından başlayaraq, İsrailin Hərbi Hava Qüvvələri Qəzzə zolağını raket atəşinə tutublar. Dekarbın 19 - da Həmas təşkilatı və Israil arasında müvəqqəti atəşkəsin başa çatmasından sonra, Həmas dörd fələstinlinin qətlinə cavab olaraq, Israilin Sederot va Aşkelon yaşayış məntəqələrini raket atəşinət tutub.
Israilin keçirdiyi hərbi əmaliyyatlar zamanı 480 nəfər həlak olub, 2700 nəfərdən artıq insan yaralanıb.
Həmas təşkilatının Qəzzədəki matbuat xidmətindən Trend -a verilən məlumata görə, ölən və yaralananların əksəriyyəti qadın və uşaqlardır.
Şənbə günü axşam saatlarından etibarən İsrail hərbi qüvvələri Qəzzəyə qurudan hərbi əməliyyatlar həyata keçirməyə başlayıblar.