Türkiyənin Korbulaq sərhəd keçid məntəqəsinin yaxınlığında Suriyadakı ziyarətgahlardan qayıdan İranın sərnişin avtobusu yük avtomobili ilə toqquşub. Hadisə nəticəsində 2 nəfər ölüb, 18 nəfər yaralanıb. Bu barədə İran televiziyasının rəsmi xəbər saytı "IRIBNEWS" məlumat verib.
Hadisə nəticəsində yaralanmış sərnişinlər Ağrı və Doğubayazit xəstəxanalarına çatdırılıblar. Yaralıların bir neçəsinin vəziyyətinin ağır olduğu bildirilir.