Gürcüstan, Tbilisi, 10 mart / Trend , müxbir N.Kirsxaliya/
Böyük Britaniya kral ailəsinin üzvü, şahzadə Endryu martın 14-də Gürcüstana səfər edəcək.
Kral ailəsi üzvünün səfərinin təfərrüatlarını bu gün Gürcüstan xarici işlər nazirinin müavini David Calaqaniya və Böyük Britaniya və Şimali İrlandiya Birləşmiş Krallığının fövqəladə və səlahiyyətli səfiri Denis Kif müzakirə edib. Bu barədə Gürcüstan XİN-nin informasiya və mətbuat departamentindən Trend -a deyilib.
Şahzadə Endryu digər vəzifələrlə yanaşı, Böyük Britaniyanın xarici ticarət, energetika və investisiya üzrə xüsusi nümayəndəsidir.