RED: hadisənin təfərrüatı əlavə olunub
Çərşənbə axşamı Türkiyənin cənub-şərqində yerləşən Hakkari əyalətində atışma nəticəsində Türkiyə Ordusunun bir əsgəri və çavuşu həlak olub, - CNN Türk məlumat verir.
Əsgərlər Kürd Fəhlə Partiyasından olan terrorçularla atışma nəticəsində həlak olublar. Yaralı əsgərlər vertolyotla hərbi hospitala çatdırılıblar.
Bazar ertəsi Türkiyənin şimal-şərqində mina partlayışı nəticəsində Türkiyə Ordusunun bir çavuşu həlak olub, iki əsgər yaralanıb.
Mina Girəsun şəhəri ətrafında Türkiyə hərbi konvoyu körpünün üzərindən keçərkən partlayıb.