Azərbaycan, Bakı, 2 may /Trend, müxbirlər T. Cəfərov, E. Tariverdiyeva/
İran Ali Milli Təhlükəsizlik Şurasının katibinin müavini Əli Bageri Rusiyaya yola düşüb. O, Rusiyada xarici işlər nazirinin müavini Sergey Ryabkovla Bağdadda İranın nüvə problemi üzrə "5+1" qrupu ilə qarşıdakı danışıqları müzakirə edəcək. Bu barədə Trend çərşənbə günü MEHR agentliyinə istinadən məlumat verir.
Bageri bu məsələləri mayın 1-də Pekində Çinin rəsmi şəxsləri ilə də müzakirə edib.
Danışıqların növbəti raundunun mayın 23-də Bağdadda keçirilməsi gözlənilir.