Azərbaycan, Bakı, 9 iyun /Trend/
Şənbə günü səhər İtaliyanın şimalında yerləşən Veneto və Friuli-Venesiya-Culiya vilayətlərində 4,5 gücündə zəlzələ baş verib. Trend-in məlumatına görə, bu barədə RİA Novosti agentliyi Agi agentliyinə istinadən xəbər verir.
Yeraltı təkanlar İtaliyanın Milli Geofizika və Vulkanologiya İnstitununu seysmoloqları tərəfindən şənbə günü yerli vaxtla səhər saat 04.04-də qeydə alınıb. Onun episentri Friuli-Venesiya-Culiya vilayətində yerləşən Klaut şəhərciyi yaxınlığında 7,1 kilometr dərinlikdə yerləşib.
Yeraltı təkanların hiss olunduğu yaşayış məntəqələrinin bir çox sakinləri qorxu içində küçələrə qaçıblar.Tələfat və dağıntı barədə məlumat verilmir.