Azərbaycan, Bakı, 5 dekabr / Trend /
Rusiya Suriyaya kimyəvi silahlarının məhv edilməsi proqramı çərçivəsində bəzi tədbirlərin keçirilməsi üçün lazımi texnika verəcək. Trend RİA Novosti agentliyinə istinadən, bu barədə Rusiyanın BMT-dəki daimi nümayəndəsi Vitali Çurkin çərşənbə günü rusiyalı jurnalistlərə bildirib.
Onun sözlərinə görə, bu Suriyada kimyəvi tərk-silah əməliyyatı üçün maddi vəsaitin çatışmazlığı problemini həll etməyə imkan verəcək.
"Biz suriyalılara kimyəvi silahların məhv edilməsi proqramı çərçivəsində bəzi tədbirlərin keçirilməsi üçün lazımi texnika verməklə müəyyən köməklik göstərəcəyik," - diplomat deyib.