Azərbaycan, Bakı, 27 yanvar /Trend/
Yunanıstanın Korinf şəhərindəki məhkəmə binasında partlayıcı qurğu işə düşüb. İnsident zamanı xəsarət alan olmayıb. Trend-in məlumatına görə, bu barədə Rusiya KİV-i "Skai" telekanalına istinadən xəbər verib.
Partlayıcı qurğu məhkəmə müstəntiqinin kabinetinə girişin yanında quraşdırılıb və yerli vaxtla saat 07:13-də, işçilər işə gələrkən işə düşüb.
Patlayışdan sonra başlayan yanğından kabinetə ciddi ziyan dəyib.
Təhqiqat aparılır. Hələlik hadisəyə görə məsuliyyəti heç kim öz üzərinə götürməyib.