Azərbaycan, Bakı, 23 oktyabr /Trend/
Avropa İttiafqının zirvə toplantısında iştirak etmək üçün Brüsselə gedən Kipr Prezidenti Nikos Anastasiadis orada xəstəxanaya yerləşdirilib. Bu barədə respublika hökumətinin rəsmi nümayəndəsi Nikos Xristodulidis məlumat verib. Trend xəbəri TASS-a iştinadən yayır.
Onun yaydığı bəyanatda bildirilir ki, Anastasiadis səhhəti ilə əlaqədar iclaslarda iştirak edə bilməyib, lakin öz çıxışının mətnini yazılı şəkildə göndərib.
68 yaşlı dövlət başçısı qan təzyiqinin yüksəlməsi səbəbindən yaranan uzunmüddətli burun qanaxması ilə əlaqədar xəstəxanaya yerləşdirilib. Xristodulidisin sözlərinə görə, Prezident iki gün ərzində xəstəxanada qalmalı olacaq.