Azərbaycan, Bakı, 7 dekabr /Trend/
Batuminin ən böyük bazarında yanğın nəticəsində 1 nəfər ölüb. Batuminin yanğından xilasetmə idarəsinin rəisi Hüseyn Sirabidzenin Trend-ə verdiyi məlumata görə, ölənin cəsədi pavilyonların birində tapılıbdır.
Yanğın nəticəsində birinin vəziyyəti ağır olmaqla iki nəfər xəsarət alıb və şəhər xəstəxanasına yerləşdirilib.
Yanğının qarşısının alınmasına 20 yaxın yanğınsöndürmə maşını və 100 nəfər yanğınsöndürən cəlb olunmuşdur. Sirabidzenin verdiyi məlumata görə, yanğın pirotexnika mağazasında yaranıb, oradan 500-600 kv.m. təşkil edən sahəyə yayılıb.