Azərbaycan, Bakı, 19 yanvar /Trend, müxbir Məftun Salmanov/
ABŞ hakimiyyəti Florida ştatındakı "First National Bank of Crestview" bankının fəaliyyətini dayandırıb.
Trend-in xarici KİV-ə istinadən verdiyi məlumata əsasən, bu, 2015-ci ildə ölkədə bağlanmış ilk kredit təşkilatıdır.
Bu bankın aktiv və depozitləri Luiziananın "First NBC Bank"ına keçəcək.
Qeyd edək ki, 2014-cü il sentyabrın 30-na olan məlumata görə, "First National Bank of Crestview" bankının 79,7 milyon dollar həcmində aktivi olub, depozitlərinin həcmi isə 78,6 milyon dollar təşkil edib.
Ötən il ABŞ-da müflis olmuş maliyyə təşkilatlarının sayı 18-ə çatıb. 2013-cü ildə bu göstərici 24 bank təşkil edib.