Azərbaycan, Bakı, 4 fevral /Trend /
Məşhur amerikalı xeyriyyəçi Con Hantsman özünün Ermənistanda reallaşdırdığı bütün proqramları dayandırır. Trend xəbər verir ki, bu barədə Ermənistanın "Sivilitas" qəzeti yazır.
Qəzetin məlumatına görə, Hantsman bu qərarı hələ ötən il qəbul edib.
Nəşr yazır ki, Hantsmana məxsus olan təşkilatın heç bir maliyyə probleminin olmadığına, bundan əvvəl onun Ermənistanda bir neçə milyon dollar həcmində sərmayənin yatırılmasını nəzərdə tutan bir sıra təhsil və səhiyyə layihələri həyata keçirəcəyinə dair bəyanatlarına baxmayaraq, xeyriyyəçi həmin proqramlardan imtina etdiyini açıqlayıb.