Azərbaycan, Bakı, 6 noyabr /Trend, müxbir Rufiz Hafizoğlu/
G20 üzv ölkələrinin liderlərinin sammitinin keçiriləcəyi Türkiyənin Antalya vilayətində xüsusi əməliyyat çərçivəsində "İslam dövləti" (İD) terror təşkilatının 20-dən artıq üzvü saxlanılıb. Bu barədə Trend "Haber7" qəzetinə istinadən məlumat verir.
Saxlanılanların şəxsiyyəti barədə məlumat verilmir. Vilayətdə təhlükəsizlik tədbirləri gücləndirilib.
Sammit noyabrın 15-16-na planlaşdırılıb.
Bu gün İstanbul Beynəlxalq Hava Limanında İD-lə bağlı əlaqələri olmaqda şübhəli bilinən 41 mərakeşli saxlanılıb.
Saxlanılanlar dindirildikdən sonra 20 nəfər Kasablankaya deportasiya edilib. Qalan saxlanılanların dindirilməsi davam edir.