...

Türk xalqını terrorla qorxutmaq mümkün deyil - Ərdoğan

Dünya xəbərləri Materials 18 Fevral 2016 07:52
Millətimizin birliyi və bərabərliyinə qarşı yönəlmiş bu terror aktları bizi bu qüvvələrlə mübarizədə yalnız birləşdirir.
Türk xalqını terrorla qorxutmaq mümkün deyil - Ərdoğan

Trend-i buradan izləyin

Bakı. Trend:

Millətimizin birliyi və bərabərliyinə qarşı yönəlmiş bu terror aktları bizi bu qüvvələrlə mübarizədə yalnız birləşdirir. Trend-in Anadolu agentliyinə istinadən verdiyi məlumata əsasən, bu fikirləri Türkiyə Prezident Rəcəb Tayyib Ərdoğan Ankarada baş verən terror aktı ilə bağlı deyib.

"Türkiyənin özünümüdafiə hüququ müzakirə olunmur, biz hüququmuzu hər yerdə və hər zaman, lazım bildikdə istifadə edəcəyik", - deyə Ərdoğan bildirib.

Prezident Ərdoğan həmçinin deyib ki, türk xalqını terrorla qorxutmaq mümkün deyil.

O bildirib: "Biz terrorizmlə mübarizə yolundan dönməyəcəyik, həm Türkiyədə, həm də ölkədən kənar mübarizəni davam etdirəcəyik. Verdiyimiz qurbanlar səbrimizi tükəndirir."

Qeyd edək ki, dünən fevralın 17-i axşam saatlarında Türkiyənin paytaxtı Ankarada güclü partlayış baş verib. Hadisə nəticəsində 28 nəfər ölüb, 61 nəfər yaralanıb.

Məqalədə:
Xəbər lenti

Xəbər lenti