Bakı. Elçin Hüseynov - Trend:
Ukrayna Ali Radasının qərarına əsasən, bundan sonra ölkə radiostansiyalarında istifadə edilən mahnıların hər üçüncüsü yerli dildə olacaq. Bu barədə Trend "112 Ukrayna" telekanalına istinadən xəbər verir.
Belə qərarın lehinə Ali Radanın 268 deputatı səs verib. Qərara əsasən, Ukrayna radiolarında danışıq dili və səsləndirilən mahnıların ən azı 35 faizi dövlət dilində olmalıdır.
Bundan əvvəl Ukrayna mətbuatında yayılan məlumata əsasən, aidiyyəti qurumlar rusdilli "Şanson" radiostansiyasında ölkə qanunvericiliyinə riayət edilməsinə dair yoxlamalar keçirmək niyyətindədir.