İlk xəbər saat 11:05-də yayılıb
Bakı. Trend:
Moskvada metro stansiyasında baş vermiş partlayış nəticəsində yaralıların sayı artıb.
Trend-in RİA Novosti-yə istinadən verdiyi məlumata görə, xəsarət alanların sayı 4 nəfərə çatıb. Onlardan birinin vəziyyətinin ağır olduğu bildirilir.
X X X
11:05
Rusiyanın paytaxtı Moskvada, metronun "Kolomenskaya" stansiyasının yeraltı keçidində partlayış olub.
Trend-in TASS-a istinadən verdiyi məlumata görə, hadisə nəticəsində iki nəfər xəsarət alıb. Onlardan birinin vəziyyəti ağırdır.
Hadisə yerində yanğınsöndürmə və təcili tibbi yardım briqadaları işləyir.
RİA Novosti-nin məlumatına əsasən, keçiddə aparılan qaynaq işləri zamanı qaz balonu partlayıb.