Hindistanda avtobus qəzaya uğrayıb: 6 ölü
Bakı. Trend:
Mərkəzi Hindistanda avtobusun iştirakı ilə baş verən yol qəzası nəticəsində azı 6 nəfər həlak olub, daha 24 nəfər yaralanıb.
Trend-in RİA Novosti-yə istinadən verdiyi məlumata görə, bu haqda Sinxua agentliyi xəbər verib.
Qeyd edilir ki, avtobusun sürəti normadan artıq olub.
Məlumata görə, hadisə nəticəsində 6 nəfər yerindəcə həlak olub, yaralılar yaxınlıqdakı xəstəxanalara yerləşdiriliblər. Onlardan bəziləri ağır vəziyyətdədir. Beş nəfərin şəxsiyyəti müəyyən edilib.
